Sesebutan ka jelema

Aki-aki = lalaki nu geus kolot pisan

Baleg tampele = mangkat beger, wani di tukangeun, ari di hareupeun era keneh

Bijil bulu mayang = saharti jeung baleg tampele

Budak = anak jalma nu can baleg

Budak gumelo = budak nu can boga jeujeuhan (pikiran) lantaran budak keneh, kira-kira umur 2-4 taun

Budak kamalole = budak nu nurutkeun kapercayaan baheula kudu diruat, lantaran aya tanda wisnu (tanda bodas) dina awakna, biasana rarungsing teu daek cicing bari teu kanyahoan naon sababna atawa kasakitna

Budak pahatu = budak nu geus teu boga indung (ditinggalkeun maot)

Budak yatim = budak nu geus teu boga bapa (ditinggalkeun maot)

Budak pahatu lalis = budak nu geus teu boga indung teu boga bapa

Bujang = lalaki nu geus baleg tapi can kawin

Bujang jengglengan = jajaka tulen

Bebeureuh = kabogoh (lalaki)

Bebene = kabogoh (awewe)

Cawene = parawan, awewe anu can kawin

Cetuk dawuk = jalma nu geus kolot, buukna geus meh kabeh bodas jadi huis

Duda = lalaki nu kungsi boga pamajikan tur can kawin deui

Galak sinongnong = budak lalaki nu mimiti aya sir ka awewe (sarua jeng baleg tampele, ngan geus rada aya kawani)

Kolot = jalma nu geus cukup umur, leuwih ti tengah tuwuh

Kolot sapeuting = jalma kolot nu euweuh kanyaho (bodo), diupamakeun ka orok nu kakara dijurukeun sapeuting

Kokolot begog = jalma nu nyanyahoanan kawas nu geus kolot, nyeta-nyeta kalakuan kolot

Kontrong-kontrong = jalma nu geus kacida kolotna, leuwih ti aki-aki

Lanjang = awewe nu can kawin

Ngomboan = lalaki nu mimiti beger ka awewe, sorana ngagedean

Parawan = cawena, awewe nu can kawin

Parawan jekekan = mojang tulen

Randa/ rangda = awewe nu geus diserahkeun atawa ditinggalkeun maot ku salakina

Randa bengsrat/ kulanjar = randa nu saenyana parawan keneh, can sapatemon jeung salaki memeh diserahkeun

Sengserang panon = parawan atawa bujang nu keur meujeuhna resep nenjo, resep naksir

Tengah tuwuh = jalma nu umurna kira-kira 40-45 taun

Turun amis cau = parawan nu mimiti beger

1 Komentar

Belum ada komentar.

Comments RSS TrackBack Identifier URI

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s